sein Lewth. vnnd brach sein zůsag. vnd machet die bůrgenn verdechtig
Als hettenn sie daúon gewůst. Darúmb wart derr
Lantgraff ser zcornig. vnd manet die bůrgenn. die sich einstellenn
můsten. Vnnd entschůldigten sich. das sie bescheener tat vnd nam des
hertzogenn kein wissen gehabt hettenn. Vnd wůrden des Hertzogen feindt
sobaldt. Also versammelt Lantgraff Fridrich aber ein heer. aůs
dem Lanndt zů Důringen. Vnnd zog mit den seinen. vnd mit dem Ertz
Bischoff vonn Meintz abermals dem hertzogen von Braůnsweig in sein
Lanndt mit Achttawsent glen. vnd bracht den hertzogen vonn
Braůnsweig da hin. das er geloben vnnd schweren můst. gein Eÿsennach
sich zůstellen. vnnd sich nicht daraůs zůwendenn, er hett sich dann
gar vnnd grůntlichenn mit ÿm gericht vnnd vertragenn.

Die vonn Erffůrdt mochtenn rhw vnd frid nicht erleÿdenn. Sůndern
nach cristi gebůrt Dreÿzehenhůndert vnnd Im Sechsvndsechtzigstenn
Jhar zogen sie mit gewalt dem herren von Tanrode vor sein Stetlenn
Tanrode vnnter dem Slos gelegenn. vnd verbranten dasselb Stetlen
Darůmb das der gnant herr von Tanrode hett ÿrer búrger ainenn