wiewol vmb redliche sachen hencken lies. Solche důrstickait verschmaht
dem Lantgraůenn ser. vnnd entsagt der halbenn den von Erffůrdt,
vnd vberwúndt sie aůch vor dem kaiserlichen Hoffgericht das sie
von kaiserlicher Maiestat vertailt wůrden. dem Lantgraůenn ein grosse
Sůmma gelds zůbůs zůgeben. Aber wie dem vnd
vnangesehen diss kaÿserlich vrtail, doch kůntenn die vonn Erffůrdt
nicht frid habenn. Sundern wider den vertrag. kawfften sie den vonn
Swartzbůrg die zweÿ Slosser Schwartzenwalt vnnd Wassennbůrg ab.

Nach Cristi gebůrt Dreizehenhůndert vnnd Im SibenvndSechtzigstn Jhar
zog Graff Hanns von Swartzbůrg mit grossem Folck in Franckenn
aůff den Bischoff von Wůrtzbůrg. vnd thet ÿm grossen schaden. mit nam
vnnd brant. Derhalbenn versammeltn sich des Bischoffs Ambtlewth
vnd begegenten ÿm mit solcher macht. das er den streÿt verlos. Vnnd