Feÿndt vnnd legten ÿn die Strassenn. Derhalben die von Erffůrdt
bezcwůngen wůrden. den Lantgraůen benante zwelfftawsent
marck silbers wider zůantwortenn. Also wart diser krieg gericht.

Beÿ diesenn zeiten was grosse Rawbereÿ Im VoitLanndt. Darůmb
setzt dieser Lanntgraff, sein brůder Lantgraff Baltazarn dahin.
den Voitlendern ÿrn můtwillen zůstewrn. Also lag er aůff solch
seins brůdernn beúelh des nachts in den welden. wartet aůff
die Rawber vnd ander beschediger. Vnd Fing ir vil. vnd lies die zůstůndt
an die Bawm henckenn. Den beschlosten gewan er ÿr Slosserr
an. vnd machet in gar cleÿner zeit ein grossen vnnd gůten Frid.