Diezeit vnnd Nemlich nach Cristi gebůrt Dreizehenhůndert vnnd Im
ViervnndSÿbentzigstenn Jhar starb der ErtzBischoff Johans vonn
Meintz. Darůmb wart von dem Capittel erwelt der Bischoff von
Speÿer Graff Adolff vonn Nassaw. Aber kaÿser karrl der Viert schicket
sein botschafft zů der Bebstlichenn hailickait, sie vleissig bittendt,
Bischoff Lůdwig zů Bamberg. Welcher ein brůder was der Lantgraúen
zú Důringn. zů ainem ErtzBischoff zů Meintz zůbestetigenn. Wie
dann die Bebstliche hailickait thet. vnnd genanten Bischoff Adolff
vonn Speÿr verwarff. Also stůndt das Capittel zů Meintz beÿ
Bischoff Adolff, desgleichenn die vonn Erffůrdt, vnnd sperten sich
wider Bischoff Lůdwig. Darůmb thet der benant Bischoff Lůdwig.