die vonn Erffürdt in bann. vnd alle die Jhenige die es mit ÿne hielten
Derhalbenn zogen vil Thúmhern. andere Priester, vnd můchen [lies: můnchen ] aůs der
Stat Erffůrdt gehorsam zůlaistenn. Es blÿbenn aůch ÿr vil zů
Erffůrdt. vnd verbrachtenn die gotliche Ambt In den Bann. Wann
die vonn Erffůrdt gaben ÿn vertrostůng sie woltenn kain Richtůng
mer annemen. Vnnd was vonn Priestern vnd Můnchen aůs Erffůrdt gezogenn
warn. blÿben wol Sechs Jhar vonn ÿrn Lehen vnd Closternn. Jnn mitler zeit
geschah baidersaits vil vbels. Vnnd wo die Lantgrefische. Ambtlewt
die Erffordische priester vnd můnch ergriffenn die fingen vnnd
schatztenn sie. Dergleichenn teten aůch die Eischfelder vnnd die
Erffordischenn. den Lanntgrafischenn priestern vnd můnchen. Also
versoldenten die von Erffůrdt die Graůen von gleichen. von Honsteÿn.
vnd von Stolberg. Vnd geschah teglich vil reitens vnnd Rawbens von den
Lantgrefischen ains. vnd vonn den Erffordischenn anderntails.

Nachdem nůn Lantgraff Fridrich noch kein sůnderlich Folck wider die vonn
Erffůrdt gelegt hett. verhofften die vonn Erffůrdt gewůnnen zůhabenn