vnd dem Lanntgraůen starck gnüg züsein. vnnd forderten Bischoff
Adolff ein. mit bit. er wolt aůffs sterckst so er vermocht zů ÿn gein
Erffůrdt kůmmen. Sie woltenn Ere vnnd gůt erlangen. vnd In gar
kůrtzer zeit des kriegs ein endt machen. Also kam Bischoff Adolff
mit grosser macht. der Reÿnlender. der Graůen von zcigenhaÿn
vnnd Waldecke. den Eischfeldern, vnd mit Hertzog otto von Braůnsweig
gein Erffůrdt. Dÿweil Lantgraff Fridrich Im Lanndt zů Meÿssen was.
Vnd die vonn Erffůrdt mit ÿrn helffernn zogen teglich mit gewalt.
aůs. vnnd verderbten den Lantgraůenn ÿr dorfferr.

Als nůn die Lanntgraüenn der von Erffůrdt fůrnemenn erkanten.
bracht Lantgraff Fridrich ein gros heer wider sein Feindt aůs Behemen
aůs Merern. aůs Meÿssenn. aůs der Marck. aůs dem VoÿtLandt
vnd aůs dem OsterLandt zůsammenn