Als nün der Lanntgraff zů hessenn sah das er dem hertzog Otto von Braůnsweig
dem Graůen von zigenhain. vnd der Sterner geselschafft zů schwach
was. zog er zů disem Lantgraůen Baltazar gein Eÿsennach. Ader als etliche
haben aůch zů dem andern Lantgraůen In důringenn Welche
Irenn lewthen aůs Meÿssenn verboten hetten den Stern anzůnemenn.
vnnd bat sie vmb rath. vnnd redt diese maÿnůng mit ÿn. In
vorzeiten sein die zweÿ Lanndt Důringen vnnd hessen ein herrschafft
gewesen. Vnnd haben noch baÿde ein wapen vnnd panÿr. Nůn bin ich
an erbenn. vnd werd von den frembden vntergedrůckt, Derhalben ich
zů eůch kůmmen bin. zwischen eůch vnnd mir ein Erbaÿnůng zůmachen
vnnder beger mich mit eůch also zůbrůdern das noch vnserm tot Důringen
vnd hessenn wider ein herschafft werdenn. Welche rede.