Lanntgraüenn Baltazarr dem das Lanndt zü Důringen in der tailůng wie oben
gemelt ist zůgefallenn was. ser gern hort. vnnd mit grossem wol gefallenn
vernam. Deshalb er sich mit ÿm verbrůdert. vnd ein bůndt machet,
vnnd der Lanntgraff zů hessen verschrÿb sich also gegen Lantgraff
Baltazar zů Důringn. So er an leibserben wůrd versterben. Das er solt alsdan
das Landt zů hessen erben. vnd solt von dem landt erblichen zů vnd fůr
seinen Rechten herren gehaltn werden. Daraůff aůch das landt zů hessen
dem lantgraůenn zů Důringn. vnd das Landt zů Důringn dem Lantgraůen zů
hessen hůldet. zustundt als die Stete baider Landt hettenn geschwornn
entsagten sie dem hertzogen vonn Braůnsweig. Grauenn Gotfridt von
zcigenhaÿn vnnd der gantzen Sterner geselschafft Welches
der hertzog vonn Braůnsweig ser erschrack so baldt er das erfůr. Wann
er sah vnd erkant das sein hoffnůng zů dem Landt zů hessen vergebens
vnnd eytell was.

Also legt diser Lanntgraff Baltazar zü Důringn vil Folcks aüs Meÿssen,