Vnnd Lantgraff Baltazar wart das Baner gegebenn. Welchs er Im
streÿt aÿnem aůs seiner Ritterschafft wol zubewarn befalh. Nam sein
schwert zů baiden henden, vnd machet ÿm ein weg důrch alle hawffen.
der Saracenen. Derhalb die Saracenen in flůcht gekert. vnd ÿr vil
tawsent erslagenn wůrdenn. Derwegenn der Soldan zů den schiffen
eÿlet. darInnen er mit wenig daůon kam. Deshalb der konig von Cÿpern
dem Lantgraůen Baltazar vnd andern seinen gesten ser vnnd aúffs
vleissigst dancket. Aůch sie darzů mit vberkostlichen klaÿnaten begabet.

Nůn hett diser Lanntgraff ain Admiralden oder mechtigen haiden In
erst angetzaigter schlacht In Cÿpern gefangen den er dem konig von Cipern
vberantwort. vnd zů dem hailigen grab zog. Da er aůch die
hailige Stat Hierůsalem beschawet. sein gebet sprach. vnd den Hailigenn
ablas holet. Darnach am widerweg zcog er wider zů dem konig zů Cÿpern. Nůn