bedacht der gefangne mechtig haÿd die tůgent dises Lantgraüen. vnd bot
ÿm In sůnderhait zů schatzůng ein treffliche Sůmma geldes. mit ainer
hostien des hailigen Warleichnams wünderbarlichen In fleÿsch vnd blůt
verwandelt. die etwan sein Eldernn in dem hailigen Landt genůmmen vnd
hinweg gefůrt hettenn. Als der Lanntgraff daselb sacrament
het empfangn. bracht er das erlichenn mit ÿm In sein Fůrstenthůmb
Důringn gein Gotha In das Aůgůstiner Closterr da es noch mit
grosser Reůerentz geert vnnd gewirdigt wirt.

Diser Lanntgraff Baltazar hat aůch die vonn Erffůrdt den ErtzBischoff
von Meintz vnd den hertzogen von Braůnsweig vonn Gebesehe vertriebenn.