Die vonn Brandenfels hetten die vonn Erffůrdt vnd Můlhawsenn Lange zeit beschedigt
vnnd berawbt, vnd war ÿn alles zů gůt aůsgangen Welchs sie sich aůch also
erhůbenn. das sie daran aůch vngesetigt Lantgraff Baltazar zů Důringen vnnd
die seinen angriffen. vnnd teglich vor Crewtzberg vnd vor Eÿsennach ranten.
Derhalben veraint sich Lantgraff Baltazar mit den Steten Erffůrdt,
Můlhawsen. vnd Northawsenn. vnd zogen miteinander vor Brandenfels. hieben
den hagenn vmb. warffen mit bleÿden vnnd schossen ser Ins Sloss grosse Locherr.
Entlich erlangt der aůff dem Sloss důrch sein Freůntschafft soůil gnad
vom Lantgraůen das die sach zů ainer solchenn richtůng kam. Dass sie wieder die