Lantgrauen zů Duringenn nÿmmer mer, nach wider die dreÿ benante
Stete thůn woltenn. es wer dann das ein Lantgraff zů Důringen mit
ÿn kriegt. Dem soltenn vnd wolten sie helffen. Dieweÿl der krieg wert.
Solchs schwůrnn sie fůr sich vnnd alle ÿr nachkůmmen. vnd verschriebenn
sich des. Also nam Lanntgraff Baltazar Brandenfels eÿn.
Vnnd lies sein Panÿr aůff den thůrmen aůssteckenn [lies: aůfsteckenn]. vnd zogenn ab.
Vnd dis geschah Nach Cristi gebůrt Dreÿzehenhůndert vnd Im
zweÿvndachtzigstenn Jharr.

Nach Cristi gebůrt Dreÿzehenhůndert vnd Im Fůnffvnndachtzigstn Jhar
starb der letzt Graff vonn keffernberg. ein Jůnger stoltzer Herr der von