Des entleibtenn Pfaltzgraůen von Sachssennfreůndtschafft [lies: Sachssen freůndtschafft] wůrd seines
schentlichenn todshalben ser bekůmmert. vnd zůůor sein Brůder herr Fridrich
ErtzBischoff zů Bremen. vnd beclagten sich Nach Cristi gebůrt Taůsent vnd Im
Sibentzigsten solcher vntat. gegen dem Romischen kaÿser Hainrich dem viertn
Derhalben ÿn der Romisch kaÿser fahenn lies. Vnd zweÿ Jar zům Gebichenstein
gefencklich halten. Wiewol freÿ. doch mit hůttern verwart. Als er nůn
aÿnmal vonn seÿnen dinern. da sie mit ÿm Im bret spiltenn. erlernet.
das ÿn der Romisch kaÿser zům todt verůrteilt hett. vnd kůrtz daůor ee der
tag seines tods kam. stůndt er aůff gieng heimlichen an ein stat. vnd
thet ein gelůbd Sannt Vlrich. der die zeit grosse zaichenn thet. So
er důrch sein hůlff aůs seinen noten kem. er wolt ÿm In sein
Ere ein schone kirchenn zů Sangerhawsenn bawen. Darnach nam er sich
einer schwernn kranckhait an. zcog vil claÿder an. gieng an einem stab