Also hies sie ÿr Vetter Lanntgraff Baltazar der die zeit mit den vonn
Erffůrdt Im verbůntnÿs was abziehenn. Das woltenn die Iůnge Lantgraůen
nicht thůn. Also wolten sie die vonn Erffůrdt mit gewalt abtreibenn.
vnnd vermanten Lantgraff Baltazar ÿn zůhelffen. Derhalben er aůch
seÿner manschafft vnnd seinen Steten aůffbot. Aber den vonn Erffůrdt
wart vonn ainem weÿsen man geraten. sie soltenn In kaÿn weg. mit den
Lantlewthen aůsziehenn. Wann wiewol sie ÿrm herren folgten so
strÿtenn sie doch wider die Iůnge Fůrstenn nicht. Also gewůnnen die
Iůnge Lantgraůenn Leůchtenberg vnnd Kala.

Dieser Lanntgraff legt sich Nach Cristi gebůrt Im Vier zehenhůnderten Jhar.
vor das Schloss Scharpfenberg. vnnd gewan es. Aůch vertrÿb er herr heinrich
vonn Loncha dess es was Welches Sůn hernachmals vber
dem Rawb. erslagenn wart.