Als die zeit der hůssenn ketzereÿ in Behemen vber handt hett genůmmen
vnnd die hůssenn mit ainem ser grossenn heer. mitsambt ÿrem
hawbtman zusska dem ainawgeten in das Landt zů Meÿssen zogen
vnnd vor pÿrn vber gegen aldenn Dresden kamenn. Derhalben die
Bůrger namen die Brůcken Inn bewarůng zůůer [lies: zůůor] vnnd ee sie die hůssen erraichtenn.
Demnach als diser Lantgraff solche mer erfůr. zůstůndt begegent
er den hůssen aůffs sterckst So er mocht, vnd vertreib die ketzer
mit geschos vnd ander gewalt. Vnd war ein getrewer Růckhalder aller
seiner Vetternn Dieweil erlebt.