Jnn dem selbenn Jhar verhofft. Graff Hainrich von Swartzbůrg des
Bischoffs vonn Wůrtzbůrg Lanndvogt sich wider zůrechenn ann dem
Lantgraůenn. vnd zog in das Stifft zů Bamberg. bracht vil Adels
aůff vnd guter lewth. In maÿnůng dem Lantgraůen mer schadens zůzewenden.
Diss erfůr der Ambtman von cobůrg. versammelt die seinen. vnd legt die
Wůrtzbergische vnnd Swartzbůrgische abermals derniderr. Als nůn der
Lantgraff den von Swartzbůrg zweÿmal angesÿgt hett, Fiel Graff Hainrich
von Swartzbůrg aůs grossem vnmůt vnd schrecken in kranckhait vnd starb
daůon zu konigsHoůenn.