Diser ErtzBischoff hat aůch mit den Graůen von Mansfelt kriegt.
Darůmb das sie solten vil Slosser vnd ander gůter dem stifft
zů halberstat zůgehorig mit vnrecht besitzenn. Derhalben er Nach
Cristi gebůrt dreÿzehenhůndert vnd Im zweÿvnndSechtzigsten Jar
sich vor Jslewben mit einem grossen heer leget. vnnd dieselb gegent
ser verheret. Vnd in solcher belegůng hielt er sich indas
Closter Sichenbach Cistercier ordens. Darůmb aůch nach seinem
abscheid die Graůen von Mansfelt In benant Closter zogen. vnnd
dasselb gar blůnderten. vnd den Apt zů sambt den Můnchen allen
fing vnnd einsetzt macherleÿ marteten. vnd etlich aůch mit tÿrannischer
weis. vnd gar vnadelich vnnd vnrůmlich entleibtenn.