Cůrfürst mit dem Cardinal zü Sannt Engel. vnd andern Fůrstenn In Behemen
was. nicht als ein lessiger Fůrst daheÿm mocht behaltn werdenn. Sůndern
er versammelt heimlich sein Ritterschafft mit den er vber walt zog.
Vnnd gewan aůff derselbenn Raÿs den Spitzenberg der ketzer
Sloss. vnnd erslůg ÿdermann daraůff. Er verstort aůch das Stetlen
Belm. vnd verbrant mer dann hůndert ketzerische dorfferr.

Bemelte scheden vermeinten die ketzer zůrechenn. Vnd zogenn mit
einem ser grossenn heer In das Landt zů Meÿssen da sie Closter. Offne
Stetlen. vnd derfferalles das vbel verwaret was. berawbtn vnd verbrantn
Doch schontenn sie der kirchenn In die Ere Sannt Wentzeslaw, ÿres
patronen geweyhett.