Darnach wart diser Fůrst. kůrtzlich kranck vnnd verordent mit allenn
seinen Edellewthen beÿ seÿnenn gnaden vnd behaltůng Ires lebenns ÿn
Inn allem seinem harnisch zů Fůss vonn Freÿbůrg gein Raÿnhartsborn.
tragenn solten. Welchs aůch also geschah. Vnnd wart von dem
ErtzBischoff Wÿgman zů Magdebůrg. den Bischoffen von Wÿrtzbůrg
vnnd Czeitz Aůch von den Eptenn von Fulden vnd hirsfeldt
Inn gegenwertickait aller Graůenn in Důringen vnd hessenn zů
der erdenn bestatet. Vnnd ist gestorbenn nach Cristi
gebůrt Tawsent. hůndert. vnd Im DreÿvnndSÿbentzigsten Jhar.