Als nůn diser Lanntgraff erfůr das sein botschafft nichts frůchtbars
vonn Marggraůenn Otto důrch verhinderůng der bosenn Edellewt.
erlangt hett. versammelt er ein heer. vnd zcog mit seiner besten Ritterschafft.
dem Marggraůenn in sein Lanndt zů Meÿssenn. Vnd nachdem er
gar vnůersehen kam. erschracken die Meÿssner ser. Aber nichts dester
weniger Marggraff Otto dem Lantgraůen begegent. mit ÿm zůstreÿten
Derhalben er den Sÿg verlor. von dem Lantgraůen wart gefangen vnnd gein
Wartberg auff das Slos gefůrt daselbst gefencklich zůhalten. Wiewol
der Lanntgraff entlich den Marggraůen Otto aůs beůelh der kaiserlichen
Maiestat. ledig lies. Doch nit ee bis dieser Marggraf
dem Lantgraůen wider aůs den gůternn die er in Důringen gekaůfft het
rawmet vnnd wider anntworth