konig ÿn zů ÿm habenn. Deshalb er ÿm beÿ seiner botschafft.
vil vnnd gros verhies. Dessgleichen Otto der annder konig Hertzog zů
Sachssenn alles das Philips Verheÿssenn hett. verhies er zweÿfacht.
Welchem aůch der Lanntgraff zůletzt zůfiell vmb dass er ÿm am
nechstenn gelegenn was.

Nůn taÿlet der konig Philips seine schetze aůs. Vnnd Versoldet den
konig Ottocar vonn Behem. vnd annder mer in zcog in Důringn
Do diss der Lanntgraff vermerckt gewan er aůs geheÿssen des Romischen
konigs Otto des Raichs Stete Northawsen vnd Salfelt. Aůff das
Philippůs kaÿn besetzůng dar Innen hett. Aber als Philips
in Důringen kam mit vbergrossem Folck. bot er dem Lantgraůen.