die Stete Northawsen. Můlhawsen. Salfelt vnnd Raÿms aůff
dess er ÿn von dem dinst des hertzogenn Otto wendet. Das da aůch
baldt geschah. Wann da Otto dem Lantgraůen vil verhÿess Vnnd
wenig beÿstet. wart er des eÿds ledig. Nam an
die Stete. vnnd halff Philips.

Jnn mitler zeit ward Bischoff Cůnradt von Wůrtzbůrg aůss
anregenn konig Philips erstochenn. Der dem Lanntgraůen ser
dinstlich war gewest. Deshalb er dem konig wenig vertrawet.
Vnd ÿm selden dienet. Da das konig Philips merckt. nam er ÿm
wider die gedachte Stete vnd wart sein offener feÿndt.