vnnd zcog in Důringn. Do er die Graůen mit geldt vberwag. Vnnd
gemeiniglich von des Lanntgraůen dinst bracht. Da er aůch mit den
seinen solch vbel in dem Lanndt. begieng das solchs aůch kaůmet die haiden
zůhoren. ich geschweig zůthún geneigt werenn. Deshalb der Lantgraff zů
dem konig Ottocar vonn Behem sein botschafft schicket bittend ÿm zůhelffenn
Dann der konig Philips vermeint das konigraich zů Behemen einem andernn
zůgeben. Als nůn konig Ottocar kam veriaget er konig Philips vnd beleget die Swaben
zů Erffůrt. vnd konig Philips verbrant in seiner flůcht die halb zůfallenn
Stat Schmalckaldenn. Nůn gewanen die Graůen die konig Philips Im sold het.
Sanngerhawsenn. Aůch belegten sie weÿssensehe. vnd aůs dem heer des konigs
vnterstůnden sich etlich zů Gangolff Sůmmeringen. die kirchen zůberawben
da sie vonn vnsichtigem fewr aůff dem kirchoff verbrant wůrden. Das
ainer der vor dem kirchoff bleÿb sah. vnd als er widerkert foller schwartzen
blattern saget. vnd in dem heer mit den zeichenn beweÿset.

Als nůn konig Philips zů Bamberg erstochen wart. begert sich konig Otto
an dem Lanntgraůen zůrechen. Vnd aůs anregen etlicher Graůen belegt er