Jůnckfrawen Sancte katherine die er zů seiner patron erwelt hett. die ÿn
aůch grůstenn vnnd sprachenn. Hie wirdestů vnns bawen ein kÿrchenn
darÿnnen wir dise Jůnckfrawen behaldenn. vnd so dů das verbracht hast.
wůrstů in kůrtz beÿ vnns sein. von des wegen er an vnterlas anfieng zůbawen.
Dadiss erfůr ÿmagina ein hertzogÿn zů Brabant gar ein andechtige witwe.
nam sie mit ÿr was sie an claÿnaten vnd geldt vermocht. kam gein Eÿsennach gab
das dem closter. vnd wart die erste Eptÿssin daselbst. Als das verbracht
wart lebet der Lantgraff nit lang. vnnd wart daselbst begrabenn. mit
vnwillen des Apts vonn Raÿnhartsbornn vnd als mann schreÿbt
starb er in dem bann. Dorůon er tot absolůirt wart.

Es warnn in dises Lanntgraůenn hoff Sechs edle rittermesige mennerr