seinem erstenn konig Důring genant. vnd dasselbig konigraich hat etwan
geheissen das konigraich vber walt. Wann es was vonn den andernn
Teůtzschen mit dem grossen walt geteÿlt, Vnd dises Raichs lenge was
von dem Reÿn bis an die Elbe. Aber die Důringisch Cronicka helt also.
das nach Cristi gebůrt Vierhůndert vnd Im Sechsvnndzweintzisten Jar,
vnter dem Romischen kaÿser Theodosiůs die Romer haben ser abgenůmmen.
vnd die Frantzosen vnd Franckenn zůgenůmmen. vnd das die Frantzosen habenn
der Romer Ambtlewt aůs denselben landen vberal vertrÿbenn. Vnd zům
tail aůch toten. Als ditz die Důringen sahen. aůff das sie mochten dester
fridlicher vnnd sicherer sitzen. machten sie mit Rat des konigs von
Franckraich sein Vetternn. Merwig zů ÿrem konig.

Derselb konig in Důringen hat ein Schlos zů Erffůrt aůff Sant Petersberg
gebawet. an den ort da itzt Sannt Dionisÿ kirchen leÿd. vnd von seinem