Nůn vbet sich maÿster Clingesor zů Wartperg. aůff der Ritterhaws
mit Wolffran vonn Eschenbach in dem maÿstergesang. Als er ÿn aber
nicht vberwinden mocht. Sagt er sich seinen knecht darzů schickenn.
beschwůr er den bosen gaist der in menschen gestalt anclopffet vnnd
eingelassen wart. Als ÿm aber nůn zůgeben wart. der anfang. hůb
er an vonn anbegÿn der welt. bis aůff die zeit der gnadenn. Also sůbtÿl.
vnnd vngehort ding zůsingen. das sich solchs ÿderman verwůndert.
Desgleichen nam fůr sich Wolffran die menschwerdůng Cristi vnd
besůnderlich die haimlickait der hailigenn messen. Vnd als er kam zů
den worten dadůrch Got der herr vonn der hohe des hÿmmels aůff die
nidder der erden gefordert. in gestalt des brots vnnd weins verwandelt
wirt, verschwant der tewffell wann er mocht beÿ solcher heilickait der.