wort nit sein. Deshalbenn sich der Philosophůs schemt. vnd
denselbigenn tewffel fordert. zůerforschen. ab Wolffran gelert
wer ader nicht. Also kam der tewfel beÿ der nacht zů Wolffran in
die kemnaten eines bůrgers Gotschalg gnant vnd dispůtirt mit ÿm
gar sůbtiliglichenn von dem lawfft des hÿmmels der spernn. vnd der
sternn. Vnnd da ÿm Wolffran nit wost zůantwortten. hůb er lawt anzůlachen.
vnd schreib in eÿnen steÿn in der kammern. Dů bist ein
leÿhe. vnd verschwant. Deshalb der Philosophůs Clingesor
ser betrůbt wart. vmb das ÿn ein leÿhe vberwůndenn hett. vnd důrch
keÿn bit mocht erhaldenn werden. vnd zcog mit grossen gaben wider heÿm.

Nůn bedacht der Lanntgraff das gesicht vnd die rede des Philosophi
vnnd schicket erliche botschafft, baÿder geslechte zů dem konig
Andrea von Vngern sein tochter. seinem Eldesten Sůn
Lanntgraff Lůdwig zůůermeheln. Nemlich Graff Meinhart von Molberg. herr Walterr
Schenck von Varÿla. vnd mit ÿn zwelff Rittermesige menner. Vnd ein