was Jha vnnd neÿn. Er was eÿn gestrenger beschÿrmer der
seinen vnd sůbtiler sÿnnen Vnd nachdem er der hailig
Frawenn Sancte Elisabet gemahel ist gewest. Welche der
herren Vonn Sachssenn Lantgraůen in Důringn vnd Marggraůen zú Meÿssen.
vonn wegen ÿrer vorfarn aůs dem Edeln haws von Meÿssen mit
nahender mogeschafft bewant ist. Nemlich von Graůen Dedo
vonn Rochlitz Welcher ÿr grosser anher ist gewest. Demnach
ist nicht vnzimlich des hailigenn Lanntgraůen Lůdwigs lebenn
mit sambt Sannt Elisabet leben anzůzaigenn.

Ee diser Lantgraff nach gerechtickait der hailign ee Sant Elisabet wart
zůgelegt. sah man ÿn nÿe wider mit gesicht. geschicklickait
worten ader wercken mit aÿniger frawenn zůthůn habenn.