zutrosten. die nacketen zůbeclaÿden. vnd die armen zůbegaben. Darnach.
ersuchet er die brůder ÿrn gebrechen beforschendt. vnnd lies so offt er
kam. soůil speÿs vnnd getrencks hinfůrn das er nit allein das Closter
beschwert. Sůnder nach seÿnem abscheÿd die brůder dreÿ tag darůon
gespeÿst wůrdenn. Aůch belegt er der Brůder gemach nicht
Sunder bleÿb aůsserhalb des Closters in seiner wonůng.

Jn seinem hoff dorfft nÿmants ichts vnzimlichs fůrnemen flůchen
noch vnhůbisch redenn. Welcher aber das thet. der můst ein
Instrůment an dem hals darain er mit eÿner handt. geslossen
was zů ainem zaichen seines freůels tragen.

Nun begab es sich das er mit dem Romischen kayser zweÿ Ihar
In Apůlia ligenn můst. Dyweil bawet der herr von
Saltza mit vnwillen des Apts vonn Raynhartsbornn