Von etlichem Hochwirdigen haÿlthůmb damit der
Almechtig Got das Landt zů Sachssen versehen hat.

Weÿl der Almechtig Got hie aůff erdenn nechst dem hochwirdigstenn
Sacrament kaÿn edlernn schatz geordent hat. dann das hochwirdig hailthümb
seiner lieben hailigenn. vnd aůserweltenn. ist billich zůglawben das Got
das Lanndt zů Sachssenn. sůnderlich vor vil andern geliebt / vmb das
er es mit so grossem hailthůmb. vnd soůil gnadenn begabt vnd versehen hat.

In der thůmkirchenn zů Münster sein die zweÿ hawbt. baider. Sant
Ewaldenn. Welche wol hůndert Ihar vor den gezeiten des hailigenn
kaÿser karls gelebt habenn. Vnnd die Ersten sein gewesen die die
Sachssenn In der Pfarr Laer wie obenn gemelt fůrgenůmmen
zům Cristlichenn glawben zůbekerenn.