Sannt Lebůini hailthůmb (. welcher der annder bekerer ist gewest
der Sachssenn .) wirt zů Daůenter geert. Da es aůch ist.

Des hailigenn kaÿser Karrls hawbt ist mitsambt dem hailthůmb Sant
Crispi vnnd Sant Crispiniani vnd vil mer hailigen zů Osnabrůck.

Sant Wÿdekints des hailigenn konigs vnd darnach Groshertzogen zů
Sachssenn gebeÿn sein zů Engernn. zů Herůordt.

Beÿ welchs wÿdekints getzeitenn wart aůch Albio getaůfft ein gar
tůgentreicher man. vnnd besůnder grosser freůndt des hailign wÿdekints.

Sant Lůdger der Erst Bischoff zů Můnster rast leibhafftiglich
zú Verdenn Im Closter seiner Stifftůng aůch aůff hewtigen tag
zaichenhafftig.

Sant Hatůmar zů Padebornn der Erst Bischoff daselbst.

Sant Badůardůs zů Padebornn der annder vnd nechst Bischoff
nach Sannt hatumar daselbst.

Desgleichen sein die leichnam der Erstenn hailigen Bischoffenn
zu Osnabrůck vnnd Mÿndenn In denselbenn kirchenn.
Sant Benno Bischoff zů Osnabrůck zů Ibůrck.
zů Bremen. S. Wilhad der Erst Bischoff daselbst. S. Aůschariůs
vnd. S. rÿmbert.
zü Werdenn. S. Thÿadgerim. S. Lůdgers vetter. der ander Bischoff
zu Halberstat. Vnnd der hailig Priester Sant. Willetůs. Sant
Swÿberts Bischoffs discipell.

Sant Badůadůs der annder Bischoff zů Padebornn hat aůs gotlicher
eingebůng hernachbenanten hailigen leichnam in sein kirchn gebracht.
S. Liborÿ. S. Pancacÿ. S. Tůrribÿ. S. Gůndanisoli die alle Bischoff
sein gewesenn zů Cenoman. In Franckraich. Von welchen
aůch geschrieben ist das sie vonn dem hailigen kaÿser Karrll
gen Padeborn gegebenn sein.

Sant Meÿnůlff der hailig. Ewangelier den der hailig kaÿser
karrll aůs der taůff gehabenn hat leigt zů Bodeken Im Jůnckfraw
Closterr Welchs er gestifft hat.

Zů Důrrenberg. S. Osswaldt der konig vonn Engellandt.