Zů Helmerdeshůsen in der Apteÿ. S. Modald Bischoff zú Trÿer mit vil andern.
Inn der Abteÿ zů Corbeÿ leigt Sant Veit Mertrerr.

Zu Wartberg ist S. Erasmi sarch mit sambt dreÿen hailigen Jůnckfrawen
S. Alheid. S. Ermgardt. vnnd S. Gertrůt.

Im Closter Flechdorff Cistercienser ordens. ist des hailigenn Abts S. Landoli=
nůs hawbt / vnnd sein Leichnam Im Dorff Boeck.

Zů Borchentrick ist Sannt Bartholomes messerr.

Jm Jůnckfraw Closter Aroldeshem rwet Sant Peter Probst daselbst.

Im Closter Sichem leigt S. Haseka. vnd S. Lúthard. Graff von Cliůen.

Sant Gerich hertzog. Im Closter Gerichshem seiner Stifftůng
zů Sÿbůrch beÿ Westhoůenn ist Hailthůmb gar vil hailigenn.

Im Closter Aldenberg. Cistercienser ordens. sein taüsent Leichnam aůs
der hailigenn gesellschafft Sant. Vrselnn.

zu Tramündt. S. Reÿnoldt Mertrer. zů Sůsato. S. procůlůs mertrerr.

Zů Můnster S. Victorin. vnn [lies: vnnd]. S. Florian mertrerr.

Zú Osnabrůck. S. Reÿner. vnnd. S. Alheidt.

Im Closter Campenberg. S. GotFrid. der hailig Graff.

Darůber ist aůch an vil endenn In Sachssenn hochwirdiger Ablas. vnd
Romisch gnad. Als Nemlich zů konigs Lůtternn.

So ist zů Wittenberg in der Cůrfůrstlichenn Stadt in der Stifftkirchen
Aller Gotteshailigenn ein solcher Gotlicher schatz von vil hochwirdigen
Bebstlichenn vnd andern heilsamen ablas. aůch vergebůng aller sůnde
vnnd entbindůng vonn aller peÿn vnnd schůld. das sich billich alle
Cristliche menschen so hochmilden gotlichen erbarmůng můgen vnnd
sollenn erfrawenn. Daůon wil got etwas weiter vnd
mer Inn dieser CůrFůrstlichenn Cronickenn in ertzelůng des Lebens
vnd der geschichte des durchlaůchtigstenn hochgebornnen Fůrsten vnd
hern. Hern Fridrichs des namen der dritt Cůrfůrst. Hertzog zů Sachssen
Lanntgraff In Důringen. vnnd. Marggraff zů Meÿssenn. Als
lochlichenn [lies: loblichenn] fůrderer vnnd Merer gemeÿner selickait wirt gesagt werden