Wie diser konig ist zům Cristlichen
glawben bekert wordenn.

Beÿ benanter hawbtstat Doroüer in Engellandt lag Sant Mertins
kirchenn. In welcher die konigÿn als ein Cristliche Fůrstÿn offt
ÿr gebet thet. Da aůch die hailige Vetter die hailige Ambt hieltenn.
Derhalben aůch mit der zeit der konig durch die hailige ler der Predig
die hailige tawff vnnd glawben annam. vnd den frůmmen Vetern.
in der vilgedachten Stat behawsůng. kost. vnd ander versehůng mil=
diglich schaffet. vnd sie mit grossen gůtern begnadet. derwegen
aůch darnach vil mer kirchenn vnd Gotshewser aúffgericht /
Vnd der gotlich dinst hochlich gemert wart.