Wie dieser konig hat zů Dorůern in Engellandt In
Sant Peter vnnd Sant Pawls ere ein kirchn gebawet.

Darnach hat diser konig Indem Closter nicht fern vonn Dorüernn
gen dem auffgang der Sünnen. ein kirchen In Ere der hailigenn Apostell
Fůrsten Sant peters vnd Sant Paůls gebawet. vnd gnediglich begabt.
Darein aůch aller konige zů Cancien oder Cantůarien vnd Bischoffen
zů Dorůern begrebnůs ist verordent wordenn. Diser konig hat
aůch den hailigen Bischoff Sant Aůgůstin vnd sein Bistůmb mit
vil gůternn mildiglich begnadt.