Verzaichnůs etlicher konige In Engellandt. Vnd zům
tail aüs dem haws zů Sachssenn geborn.

Der Erst konig In Engellandt in den Sůdgegenten vnd Landen wie sie vilbe=
nanter konig Edilbrecht hat Innen gehabt. hat geheÿssenn Elli. vnnd
wirt von Beda genant ein konig der SůdSachssen.

Der Ander konig zu Engellandt der West Englischen hat geheissen Calin
oder nach Irer Sprach Ceccůlin [lies: Ceaůlin].

Der dritt konig ist gewest. der vil gedacht konig Edilbrecht.

Der Viertkonig der OstEnglischen hat geheissen Redůal.

Der Fůnfft konig des Folcks Nordanhimbrer hat geheissen Edwin.

Der Sechst konig aůch der Nordanhimbrer hat geheissen Osswaldt.
Vnd ist gewest gar ein Cristlicher Fůrst.

Der Sibendt konig in Engellandt ist gewest Osůin benant konigs Oswalds
brůder. Der aůch die picten vnnd Schottenn vberwůnden vnnd ÿm
Vnterthenig gemacht hat.