Von dem vncristlichen
wesen dises konigs.

Diser konig hat nach antzaige Sandt Beda seinem frůmmen Vater nicht
gefolget. Sůndern ist ein vncristlicher Tÿran gewest. Dann er hat
nicht allein den hailigen Cristlichen glawben nicht angenůmmenn.
Sůndern aůch seins Vater gemahel genůmmen. vnd důrch sein vncristlich
leben sein Folck geůrsacht wider In die vncristenheit zůfallen. Aber
der Almechtig strafft ÿn aůch zeitlich. Dann erwart sÿnlos. Vnd
wart aůch seines Czeitlichen Raichs vnd lebens berawbt. Vnd
ist gestorbenn nach Cristi gebůrt Sechshůndert Vnd Im Viertzigsten Ihar.