Vonn ainem seltzamenn
Trawm dieses Fůrstenn.

Diser hertzog sah in In einer nacht Im trawm aůs der kirchenn zů Bremen
zům Ersten. Beren. darnach eber. darnach hirschen. vnd entlich hasenn
geen. Darůmb leget er denselbenn traům also aůs. seinen dienernn
Sprechendt. Vnnser Nacion was am ersten gleich den Beren důrch die
kůnheit. Itzt ist sie gleich den Ebern důrch draw vnd vngestÿmmickait /
baldt wirt sie gleich werden den hirschenn důrch die Ere vnnd Rům.
Vnnd aůff die letz wirt sie gleich werdenn den hasen mit der forcht vnnd
flůcht. Vnd entlich ist dieser Herr zů Lůnenbůrg begraben worden.