Rixa. ist verhaÿrat wordenn Fridrich. Kaÿser Cůnradt des Dritten
Sun der bald starb. Darůmb nam sie darnach. knůt des konigs
vonn Dennenmarck Sůn.

Mechtildt. hat genůmmen Boswin ein Fůrstn der Wenden. Vnnd
darnach aůch ein Graůenn zů holsten.

Wie diser Fůrst hat die Engelsbůrg zů Rom gewůnnen
Vnd den Romischen kaÿser Ritterlich geert.

Diser Fürst ist mit dem Romischenn kaÿser Fridrich dem Erstenn gen
Rom gezogenn Vnnd hat die Engelsbůrck gewůnnen. Vnd als der
Romisch kaÿser In einem streit gefallenn. von den pferdenn getret wart.
fiel dieser hertzog vonn seinem pferde. rettet den Romischen kaÿser. vnnd
bracht ÿn wider aůff. Derhalben er gros gnad beÿ dem Romischn kaÿser erlangt.