Wie dieser hertzog vom Romischenn
kaÿser vor Maÿlandt ist abgezogenn.

Als diser Fůrst darnach mit dem Romischenn kaÿser Fridrich dem
Erstenn vor Maÿlanndt lag. die entlich derselb kaÿser / da er Fůnff
Jhar daůor gelegen wass. gewan / Nam er als etlich Cronicka
haltenn. geldt von den Maÿlandt. vnnd zog vom Romischn kaÿser
seiner kaiserlichen Maiestat zů Dratz. wiewol ÿn der Romisch
kaÿser so hoch bat. beÿ Im zůbleÿben. das er sich aůch vor ÿm
naÿgett.