Wie sich dieser Hertzog
Lewe gewert hat.

Wiewol nůn diser Fůrst allenthalbenn mit mechtigen feÿnden vmbgeben
war. dennoch weret er sich an allenn seitn als ein grÿmmiger lewe. Er
gewan die konigliche Stete in Důringenn Northawsen vnnd Můlhawsen.
die er verbrant. Er fieng aůch Lanntgraff Lůdwig vnd Lanntgraff
Herman in důringen. Item Bischoff Vlrich vonn halberstat
Er gewan die Stete Oscherslewen. Jůtterbock. kalb vnnd Halberstat.
Er brant aůch aůs den Langensteÿnn.