Romischen kayser nach gen Erffürdt / vmb gnad bitendt. mit erbietůng
die gefangenn Lanntgraůen an all entgeltnůs wider ledig zůgebenn.
Derhalbenn er zů Erffůrt gefangenn wart. vnnd genotigt sich aller
seiner Lanndt zuůerzeihenn. Demnach Im nichts. aůsgenům=
men die zwů Stete Braůnsweig vnnd Lůnenbůrg mit Irer zůgehorůng /
doch aus des Romischen kaÿsers gnad blÿbenn. Er müst aůch schweren
dreÿ Jhar zůziehenn. als er aůch thet.

Wie dieser Fůrst die zwen Leoparden hat in das
Haws zů Braůnsweig wapen gebracht.

Also zog diser hertzog zů seinem schwager dem konig vonn Engellanndt
der ÿn gar erlichen hielt. Vnnd Im das wapenn der zweÿen Leopardenn.
aůs mitleiden mitteilt Wann Engellandt fúhrt vormals Fůnff
gůldenn Leoparden Inn eynem roten schildt. Die Braůnschweigisch
Cronicka heldt. das diser hertzog hab. darnach das weÿss pferd zů einem
helmzaichenn behaltenn.