Zům Raich helffen. Da das der Můnch hort wart er hoch erfrawet. vnd
gelobt dem Wortigern mit dem Aidt Im In allen sachen gehorsamlich
zufolgenn. vnnd seins Rats vnnd gefallens zůlebenn.

Wie konig Constans zů Engellandt
ist gekront wordenn.

Nach ertzelter vnnterredüng nam Wortigern sein Můnch. zog Im
konigliche claidůng vnnd zirhait an. vnd zog also mit Im gen London
vnd brachts swerlich zůwegen das ÿn das Raich zů einem konig annam.
Vnnd nachdem newlich der ErtzBischoff Gůetelin gestorbenn was. vnd
sich nÿmants wolt wolt vnterwinden aůs einem Můnch ein konig
zůmachenn. salbet der Wortiger den Můnch Constans
zů einem Konig Vnnd setzt ÿm. an stat des ErtzBischoffenn
die konigliche kron aůff.