Wie der Wortigern konig Constans zů Engel=
Landt schetz. Stete vnd Slosser in sein bewarůng
genůmmen hat.

Darnach hůb der Wortigern an des konigs schetz. Stet vnnd Schlosser
In sein bewarůng zunemen zubiten. Wann er sprach die Nachbawrn
wern willens in das Raich zůfallenn. Als er nůn solchs vom konig aůch
erworbenn hett. bestelt er die Stete mit seinen freůnden denen er am
meisten vertrawet. Darnach als er die Verretereÿ den konig zůentleiben
beslissen wolt. sagt er dem konig. Er můst mer hoffgesindts haltenn.
dann bis anher. aůf das er dem anfal der feÿndt mocht dester sicherer
widersteen. Darauff der konig Constans antwort. Waistů
dach [lies: doch] wol das dir alle sachen befoln. Darůmb schick alle sachenn
nach deinem gefallen. doch also das sie mir getrew bleiben. darzů
Wortigern sagt mir ist gesagt worden. das die Picti wollen die Denen
vnd Norwegier besolden vnd dieselben wider vnns bringen. Darůmb
ist meins bedenckens der aller hailsamst rat das dů etlich picten an deinem
hoff haltest. als mitler zwischen dir vnnd ÿn. Dann wie wol es war ist
das sie angefangen haben wider dich zůkriegenn. Doch werden sie
verkuntschafftenn Irer gesellen anschlege vnd listickait die dů desterbas
wirdest kůnnen meÿdenn. Aber des Wortigerns anslag