stůndt allein daraüff. nachdem er wůst das die picten trůncken
Lewt wernn. Das sie wůrden den konig Im zornn vnd trůncknerr
weÿs erslagenn. Verhoffend so solchs geschech. So wolt er der
nechst zúm konigRaich sein. Also schickt Wortigernn
nach hundert kriegern Picten von Schotlandt. Vnd nam sie an dess
konigs hoff.

Wie die Picten habenn konig Constans
von Engellandt entleibt.

Als nůn die Pictenn warn an des konigs Constans hoff kůmmenn.
hielt Wortigern sie in grossen Eren. Vnnd begabt sie reichlich mit
essen vnnd trincken. Vnd also. das sie ÿn fůr den konig hielten. Vnnd
vber die gassenn schrÿen. Wortigern ist des konigRaichs zů Engellandt
wirdig. Aber Constans ist des konigRaichs vnwirdig. Daraůff Wortigern
den picten ÿe mer vnnd mer schenckt. Ir gůnst dester mer zůerlangn.
Als er nůn die picten gar an sich gezogenn hett. macht er die picten ainmal
trůncken. Vnd sagt zů ÿn er wolt aůs Engellandt ziehenn. damit er.