Wortigern sich selbst hat zů einem konig
In Engellandt aůffgeworffen.

Als nůn konig Constans von den picten wie gedacht ist. was entleibt
worden. warff er sich selbst zů einem konig In Engellandt aůff
Darnach sein verretereÿ vnd vntrew aůsbrach. wie er den konig Constans
hett vmbgebracht / vnd des gleichen die Picten. machten die Pictenn
vnd ander Insel Folcker ein verbůndtnůs wider ÿn. vnd gedachten ÿr
gesellen an Im zůrechen. Derhalben er vil schadens in seinen
streiten entfieng. Aůch war er in stetiger besorgůng des entleibten
konigs Brůder wůrden mit gewalt kůmmen. Vnd ÿr
Erbraich wider erobbernn.