Wie die Sachssen haben In Engellandt Der
Engellender feindt vberwůndenn.

Die Sachssenn vnlang nach irer ankünfft in Engellandt. erlangtn den
Engellendern den sÿg in eÿnem streit. wider Ir Feindt die picten aůs Albania
gnant. Damals dieselben von Norden kamen vnd Engellandt verhertn
begegenten ÿn die Engellender zů Sambt den Sachssen. vnd vberwůnden
sie allein důrch die streitbarkeit der Sachssen. Wie
Sant Beda vnd Galfridůs schreiben. Solcher vberwindůng vnd
Ritterlicher Loblicher tat willenn begabt konig Wortegrÿm Hertzog
Hengst mit soůil Landt Im Landt Londesia gnant. das er sich. sein
Ritterschafft vnd ander Folck gnůgsamlich damit kůnt enthaltenn.