Dann er libt die Sachssen von wegen seiner Frawen vber alle Nacion
Darumb fieln die Engellender dem konig Wortigrÿm ab. Vnd
warffen sein Bastardt Wortůgern zu einem konig aůff. der ÿn folget
vnd sich vnnterstůndt die Sachssen zuůertreiben. vnd thet vier streÿt mit
ÿn. zům Ersten aůff dem wasser Derimondt. zům andern In der fůrt
gnant Epifordt. In welchem streit zůsamen vnd widereinander
kamen. hertzog Horst. vnnd konig wortigrÿms Bastart Katigern
vnd verwůndtenn bede totlich aneinander vnnd blÿben.

Wie hertzog Hengst wider In
sein ErbLandt geflogenn ist.

Zům Dritten mal striten die Engellender mit den Sachssen am Mehr
vnd So hertiglich mit vil schif streitenn. Derhalben als die
Sachssen beůortailt warn. vnnd kein glůck hetten. baten sie ein gůnsti=
gen abscheÿdt wider heÿm zů ziehen. Also stigen die Sachssen
In ir schiff / vnd fůrn wider Inn Ir Landt zů Sachssen