Wie hertzog Hengst mit Konig Aüreliůs Ambrosiůs
Von Engellandt zům Ersten gestritenn hat.

Nit Lang darnach erhuben sich die zwen Fůrsten Aůreliůs Ambrosiůs
vnd vther pragen. konigs Constans gebrůdere mit grosser macht. den Wortigrÿm
vnd die Sachssen aůs Engellandt zuůertreiben. als yn. dann dem Wortigrÿm
vnd den Sachssen billicher zůgehorig Als nún hertzog hengst die ankůnft
konigs Aůrelÿ erfůr. trostet er sein Folck. Vnnd wiewol Aůreliůs Inn
seinem heer beÿ zweÿmal hůndert taůsent man hett. Doch Sagt. hertzog
Hengst er het nicht vber zehen tawsent man vnd zog nach solcher trostůng
auff das Feldt genant Maesbelli Daruber konig Aůreliůs
auch ziehen wolt. Dann hertzog hengst hett konit Aůreliům gernn
vbereÿlt. Aber konig Aůrelius erfůr solchen anslag bald. vnd bestelt
daraůff sein heer also. das etlich tawsent solten Im heer sein. Vnnd
etlich verordent er in die Berge vnd in die welde. In der maÿnůng
so die Sachssen fliehen wůrden das sie den feinden In die hende kemen.
In mitler zeit redt hertzog Eldol vonn Claůdiocestrien zům Konig
Aůreliůs. vnd sagt. Wen mir Got verlÿh das ich mit hertzog Hengst