mocht streitenn. So solt mir ein tag fůr alle tag meÿnes lebens sein.
kurtz darnach strÿten bede heer hertiglich miteinander vnd wůrden.
beder saiten vil verwůndt vnd erslagen. Vnd hertzog Eldol trachtet
stets mit grossem vleis darnach das er hett můgen hertzogen hengst
erraichen. In dem als hertzog hengst merckt das die Engellender důrch
gotlich ordnung oblagenn vnd die seinen verlorn hetten gab er die flůcht
nach der Stat kaerconan itzůndt Cumůmgebůrg genant.

Wie hertzog Hengst zům andern mit konig
Aureliůs von Engellandt gestriten hat.

Als hertzog Hengst flog. eÿlet Im vnnd seinem folck konig Aůreliüs
nach. Derhalben hertzog hengst vor der Stat Cůmůngelbůrg
mitsambt seinem Folck widerkert Vnd nachdem er in die Stat nicht
wolt ziehenn. Darůmb das er merckt das sich die Stat geben wůrd.
Also strit er noch ein mal aůffs allerhertiglichst mit konig Aůreliůs
Vnd als er nůn hertzog Hengst heer gar zůdrennet hett. kam entlich