hertzog Eldol der sein Lang begert hett. ÿn an Also stritenn vnd kampfften
dieselben zwen treffliche Fůrsten lang miteinander. Vnnd wiewol itzůndt
der itzůndt der ander oblag. Doch wart entlich Hertzog Hengst. von hertzog
Eldol gefangenn. Also gaben die Sachssen die flůcht Vnd Nemlich Occa.
Hertzog hengsts Sůn mit dem grosten hawffen gein Eborack vnnd Cosa.
Hertzogen Hengsts Vetter Inn die Stat Aldůd.

Wie hertzog Hengst
ist vmbkůmmenn.

Als nůn hertzog Hengst was gefangen worden. fordert konig Aůreliůs
sein Fůrsten vnd hertzogen zůsammen vnnd beratschlagt mit ÿn wie
man ÿn straffen solt. Nachdem nůn Bischoff Edald vonn
Claůdiocestra ein brůder hertzog hengst aůch da was. Sagt er. Als
hertzog hengst vor dem konig Aůrelio stůndt. Wenn dich gleich Iderman
wurd ledig gebenn. So wolt ich dich doch in stůck hawen. Wie der prophet.